Հայաստանում ՎՏԲ-ի դուստր բանկ` «ՎՏԲ-Հայաստան Բանկ» ՓԲԸ ստեղծվել է «Հայխնայբանկ» ՓԲԸ հիման վրա և դե-ֆակտո հանդիսանում է նրա ավելի քան 90-ամյա բիզնես ավանդույթների իրավահաջորդը: «ՎՏԲ-Հայաստան Բանկ» ՓԲԸ հանդես է գալիս որպես ViSA International և Mastercard միջազգային վճարահաշվարկային քարտային համակարգի լիիրավ անդամ, ԱրՔԱ լոկալ հայկական վճարահաշվարկային քարտային համակարգի սպասարկող անդամ:

ՎՏԲ-Հայաստան Բանկին Moody's միջազգային վարկանիշային գործակալության կողմից շնորհված վարկանիշները. տեղական արժութով երկարաժամկետ ավանդների համար` B1 վարկանիշ, արտարժույթով երկարաժամկետ ավանդների համար`B2 վարկանիշ, կարճաժամկետ ավանդների համար Not Prime վարկանիշ, ինչպես նաև բանկի վարկունակության (BCA) "b3", կապալառուի ռիսկի երկարաժամկետ գնահատում (CRA) - "Ba3(cr)": Կանխատեսումը վարկանիշների համար` "Կայուն":

Հայաստանի Հանրապետությունում ՎՏԲ-Հայաստան Բանկի մասնաճյուղային ցանցը հաճախորդներին հնարավորություն է տալիս իրենց բնակության վայրում օգտվել բանկի բազմաբնույթ ծառայություններից` տարաբնույթ ավանդների ընդունում և վարկերի տրամադրում: Բանկն ունի 54 մասնաճյուղ` 23-ը` Երևան քաղաքում, մնացած 31-ը` Հայաստանի բոլոր մարզերում:

2022 թվականի դեկտեմբերի 24-ից ՎՏԲ-Հայաստան Բանկի «Բերդ» և «Դիլիջան» մասնաճյուղերը Դիլիջան և Բերդ քաղաքներում չեն աշխատի։ Նշված մասնաճյուղերի հարակից տարածքներում տեղադրված են բանկոմատներ։