Իջևան
Իջևան
Քաղաքը Երևանից գտնվում է 142 կմ հեռավորության վրա, Դիլիջանից՝ 35 կմ․։
Ներկայիս Իջևանի տարածքում նախկինում իջևանատներ են եղել, որոնք սպասարկել են Ասորիքից ու Դվինից դեպի Պարտավ և Հյուսիսային Կովկասի առևտրային միջանկյալ ճանապարհը։ Իջևանը գրավիչ է իր բնաշխարհով. քաղաքը շրջապատված է լեռներով, որոնք պատված են սաղարթախիտ անտառներով։
Դիլիջան
Դիլիջան
Դիլիջանը տեղակայված է Տավուշի, Լոռու և Գեղարքունիքի մարզերի քաղաքները կապող ճանապարհի վրա: Դիլիջանը վաղուց ի վեր իր բարենպաստ բնակլիմայական պայմանների շնորհիվ հայտնի է որպես Հայաստանի ամենասիրված առողջարանային քաղաքներց մեկը։ Երևանից հեռու է մոտ 96 կմ, Իջևանից՝ 35 կմ։ Հնում Դիլիջանի տարածքը եղել է Մեծ Հայքի Այրայրատ նահանգի Վարաժնունիք գավառում:
Բերդ
Բերդ
Տավուշի հարուստ բնությունն ու պատմամշակութային կոթողներն ու առասպելներն ամենուր են։ Բերդն իր անունը ստացել է այստեղ գտնվող Տավուշի բերդից, որն այլ կերպ անվանում են Ցլիկ Ամրամի ամրոց: Միջնադարյան կառույց է Տավուշի մարզի Բերդ քաղաքի ծայրամասում՝ Տավուշ գետի աջ ափին է: Տավուշի բերդն առաջին անգամ հիշատակվում է 10-րդ դարի սկզբից՝ որպես Աշոտ Երկաթի նստավայր։ Ամրոցի յուրահատկություներից մեկն այն էր, որ կառույցն ունեցել է իր ջրամատակարարումը։ Քանի որ 14-րդ դարից բերդը եղել է լքված՝ հիմնադրման տարեթիվը հայտնի չէ։
Նոյեմբերյան
Նոյեմբերյան
Երևանից 185 կմ․ հեռավորության վրա գտնվում է ներդաշնակության բնօրրանը: Նոյեմբերյան Համայանքում կարող եք վայելել բնության հրաշքը՝ սաղարթախիտ անտառները, բացատներն ու պուրակները, ինչպես նաև անուշահամ և ախորժելի կերակուրներ։ Տավուշի մարզը յուրաքանչյուր եղանակի սքանչելի է, իսկ բնական տեսարանների, առանձնապես բուսական աշխարհի առատությունը՝ լիարժեք կդարձնի ձեր այցելությունը։
«Այցելի՛ր Տավուշ։ Զգա՛ մեր ջերմությունը»
Բաժանորդագրվեք
Հետևեք մեզ և եղեք տեղեկացված