Հայէկոնոմբանկ
«ՀԱՅԷԿՈՆՈՄԲԱՆԿ» ԲԲԸ-ի գործունեությունն ուղղված է իր բաժնետերերի, հաճախորդների, աշխատակիցների և հասարակության համար անհրաժեշտ բարիքների ստեղծմանը: Բանկն իր հիմնական առաքելությունը և զարգացման հեռանկարները դիտարկում է հետևյալ 4 ուղղություններով.
Որպես ՀՀ տնտեսության զարգացմանը նպաստող օղակ /հասարակության տեսակետից/
Բանկն իր առաքելությունը տեսնում է որպես միջազգային չափանիշներով ռիսկերի կառավարման գործուն համակարգով, առաջընթաց տեխնոլոգիաներով զարգացող, օրինապաշտ, թափանցիկ կառույցի զարգացում, որն իր գործունեությամբ նպաստում է ոչ միայն ՀՀ բանկային համակարգի կայունությանը, այլև երկրի տնտեսության զարգացմանը;
Որպես արդյունավետ ներդրման ոլորտ /բաժնետերերի տեսակետից/
Որպես գրավիչ ներդրման ոլորտ, բանկը ենթադրում է իր բաժնետոմսերի արժեքի /հաշվեկշռային, շուկայական/ աճ, զուգակցված ամենամյա շահաբաժինների վճարման քաղաքականությամբ՝ զարգացնելով կորպորատիվ կառավարման արժեքները;
Որպես հուսալի և կայուն գործընկեր /հաճախորդների և գործընկերների տեսակետից/
Փոխշահավետ պայմաններով, օգտագործելով իր լայն մասնաճյուղային ցանցը, ստանձնած բոլոր պարտավորությունների կատարում թե՛ հաճախորդների, թե՛ գործընկերների /ներքին, միջազգային/ նկատմամբ՝ մատուցելով բանկային ծառայությունների ամբողջական փաթեթ, վերջինիս մշտական ընդլայնմամբ և բազմազանմամբ, միջազգային չափանիշներին մոտեցմամբ;
Որպես ցանկալի գործատու /աշխատակազմի տեսակետից/
Որպես գործատու` արդյունավետ կադրային քաղաքականության վարմամբ, աշխատակիցների մասնագիտական առաջընթացի և բարեկեցության ապահովում` նրանց աշխատանքային գործունեության և ունակությունների համաձայն:
