Տավուշի հարուստ բնությունն ու պատմամշակութային կոթողներն  ու առասպելներն ամենուր են։ Բերդն  իր անունը ստացել է այստեղ գտնվող Տավուշի բերդից,  որն այլ կերպ անվանում են Ցլիկ Ամրամի ամրոց: Միջնադարյան կառույց է Տավուշի մարզի Բերդ քաղաքի ծայրամասում՝ Տավուշ գետի աջ ափին է: Տավուշի բերդն առաջին անգամ հիշատակվում է 10-րդ դարի սկզբից՝ որպես Աշոտ Երկաթի  նստավայր։ Ամրոցի յուրահատկություներից մեկն այն էր, որ կառույցն ունեցել է իր ջրամատակարարումը։ Քանի որ 14-րդ դարից բերդը եղել է լքված՝ հիմնադրման տարեթիվը հայտնի չէ։

Բերդ քաղաքը գտնվում է Երևանից 202 կմ հեռավորության վրա, Դիլիջանից՝ 95 կմ, Իջևանից՝ 50 կմ․։

Բերդի շրջանում են գտնվում Նավուր, Չինչին, Տավուշ, Վերին Կարմիրաղբյուր, Ներքին Կարմիրաղբյուր, Այգեպար, Այգեձոր, Չինարի և մի շարք այլ գյուղեր, որոնք բոլորն էլ առանձնահատուկ են  իրենց սովորույթներով, պատմություններով և տեղացիների ջերմ հյուրընկալությամբ։

Քաղաքի մոտ են գտնվում 10-րդ դարի հայկական Տավուշի ամրոցի ավերակները, Նոր Վարագավանք և Խորանաշատ վանքերը։ Վայրը աչքի է ընկնում կիկլոպյան ամրոցի ավերակներով, այն  թվագրվում է մ․թ․ա 1 հազարամյակ, իսկ հետաքրքրասերներին  հրավիրում ենք այցելության Բերդի թանգարան, որտեղ ձեզ կներկայացնեն  ոչ միայն համայնքի, այլև Տավուշի մարզի պատմությունը։

Բերդ համայնքի պաշտոնական կայք